Jel, burshaq, jaýyn - Jeksenbige arnalǵan aýa raıy
NUR-SULTAN. QazAqparat - «Qazgıdromet» RMK 30 mamyrǵa arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty respýblıkanyń batysy men shyǵysynda qubylmaly aýa raıy bolady. Jańbyr jáne naızaǵaı bolyp, jel kúsheıedi, burshaq, daýyl, soltústiginde keı jerlerde tuman kútiledi.
Qostanaı, Jambyl, kúndiz Qyzylorda oblystarynda jel 15-20 m/s kúsheıedi.
Aqmola, Soltústik Qazaqstan, Pavlodar, Mańǵystaý, Shyǵys Qazaqstan oblystarynda túnde jáne tańerteń keı jerlerde tuman kútiledi.
Atyraý, Batys Qazaqstan oblystarynyń keı jerlerinde naızaǵaı, daýyl soǵyp, jel 15-20 m/s kúsheıedi, burshaq jaýýy múmkin. Kúndiz Aqtóbe oblysynyń keı jerlerinde jel 18 m/s kúsheıdi. Qaraǵandy oblysynda keı jerlerde tuman, naızaǵaı kútiledi, jel 15-20 m/s kúsheıedi.
Kúndiz Almaty, Jambyl, Túrkistan, Qyzylorda oblystarynda, Aqtóbe, Atyraý, Qaraǵandy, Shyǵys Qazaqstan oblystarynyń keı jerlerinde qatty ystyq kútiledi.
Qyzylorda, Túrkistan oblystarynda, Atyraý, Aqtóbe oblystarynyń basym bóliginde, Batys Qazaqstan, Qostanaı, Qaraǵandy, Almaty, Jambyl oblystarynyń keı jerlerinde joǵary órt qaýipi saqtalady.
