Jel, burshaq, shańdy daýyl – sársenbige arnalǵan aýa raıy
NUR-SULTAN. QazAqparat – «Qazgıdromet» RMK 28 tamyzǵa arnalǵan aýa raıy boljamyn usynady, dep habarlaıdy QazAqparat.
Respýblıkanyń soltústik-batys aýmaǵy tsıklonnyń jáne sonymen baılanysty frontaldi bólikter yqpalynda bolady. Keı jerlerde daýyl, jel soǵyp, burshaq jaýýy yqtımal, soltústikte jáne ortalyqtyń keı jerlerinde tuman túsedi.
Shyǵys Qazaqstan, kúndiz Batys Qazaqstan, Atyraý, Aqtóbe, Qostanaı, Mańǵystaý jáne Qyzylorda oblystarynyń keı jerlerinde jeldiń jyldamdyǵy 15-20 m/s jetedi, Mańǵystaý jáne Qyzylorda oblystarynyń shańdy daýyl kútiledi.
Batys Qazaqstan oblysynda burshaq jaýýy yqtımal. Kúndiz Atyraý oblysynyń keı jerlerinde daýyl kútiledi, jel 15-20 m/s kúsheıedi.
Qaraǵandy, túnde jáne tańerteń Soltústik Qazaqstan oblysynyń keı jerlerinde tuman túsedi. Kúndiz Almaty oblysynda qatty ystyq bolady.
Qyzylorda, Túrkistan oblystarynda, Jambyl, Qaraǵandy oblystarynyń keı jerlerinde, Aqtóbe, Batys Qazaqstan oblystarynyń ońtústik bóliginde óte joǵary órt qaýpi saqtalady.
