Jel, boran, kóktaıǵaq: Elordada jáne birqatar óńirde kún buzylady
NUR-SULTAN. QazAqparat - Elimizdiń birqatar óńirinde aýa raıynyń buzylýyna baılanysty eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
1, 2 qańtarda Aqmola oblysynda qar jaýady, boran soǵady. Keı jerlerde kóktaıǵaq bolady. Ońtústik-batystan soqqan jeldiń ekpini 23-28 m/s jetedi.
Osy kúnderi Kókshetaý qalasynda burqasyn kóterilip, kóktaıǵaq bolady. Ońtústik-batystan jel soǵady, jel qarqyny - 15-20 m/s.
1 qańtarda Qostanaı oblysynyń keı jerlerinde qalyń qar jaýyp, kóktaıǵaq kútiledi. Óńirdiń basym bóliginde boran soǵady. Ońtústik-batystan soqqan jeldiń jyldamdyǵy 15-20, 23-28 m/s deıin kúsheıedi.
1,2 qańtar kúnderi Nur-Sultan qalasynda qar jaýady, burqasyn kóteriledi. Ońtústik-batystan soqqan jeldiń ekpini - 15-20 m/s. 1 qańtar - kúndiz, al 2 qańtar - táýlik boıy kóktaıǵaq bolady.
1 qańtarda Shyǵys Qazaqstan oblysynda keı jerlerde burqasyn, tuman, joldarda kóktaıǵaq kútiledi. Ońtústik-shyǵystan soǵatyn jel ońtústik-batysqa aýysady, keı jerlerde 15-20, ekpini 25 m/s jetedi.
