«Jeksenbilik klımat 10/10/10» jahandyq sharasy barysynda Qazaqstan Prezıdentiniń rezıdentsııasyna kún paneli qurylǵysyn ornatýǵa usynys jasalmaq
ALMATY. Shildeniń 7-si. QazAqparat /Erbol Azanbek/ - Qazannyń 10-y kúni búkil álem boıynsha «Jumysqa» uranymen «Jeksenbilik klımat 10/10/10» atty ekologııalyq shara ótedi. Bul týraly búgin Almatyda arnaıy ótken baspasóz máslıhatynda 350 Qazaqstan ekologııalyq qozǵalysynyń ókilderi aıtty,
dep habarlaıdy QazAqparat.
Qozǵalystyń ulttyq úılestirýshisi Pavel Koktyshevtiń aıtýynsha, shara barysynda tokıolyq sýmoshylar velosıpedpen qala ortalyǵynda sherý ótkizse, Parıj turǵyndary parnık gazdaryn 10 paıyzǵa azaıtý uranymen sharalar ótkizedi. Al karachılik áıelder kún peshterin qoldanýǵa shaqyrý sharasyn uıymdastyrsa, fılıppındik stýdentter ózen jaǵalaýlaryn bekitý úshin 2 myń aǵash otyrǵyzady. «Biz de Qazaqstanda birqatar sharalardy ótkizýdi kózdep otyrmyz. Osy baǵytta qazaqstandyqtardy sharany qoldaýǵa, árkim óz úıi mańynda tazalyq júrgizip, aǵash otyrǵyzýǵa, kún sáýlesi arqyly jumys isteıtin peshterdi qoldanýǵa shaqyramyz», deıdi Pavel Koktyshev. Onyń aıtýynsha, qozǵalys músheleri shara barysynda Qazaqstan Prezıdentine Astanadaǵy rezıdentsııasynyń shatyryna kún sáýlesi panelin ornatýdy usynatyn hat jibermek. «Qazirgi kezde Elbasyna arnaıy hat jazylyp, qol jınalýda. Bul tek Qazaqstanda ǵana emes álemniń kóptegen elderinde júzege asyrylady. Máselen, bundaı usynys Barak Obama, Hý Tszıntao, Devıd Kameron, Nursultan Nazarbaev syndy álemniń 8 kóshbasshysyna jasalynyp otyr. Úndistan Premer-mınıstri bul usynysty qoldap, óz rezıdentsııasyna bul qurylǵyny ornatyp úlgerdi. ıAdrolyq qarý men jahandyq ekologııalyq bastamalardy júzege asyrý baǵytynda álem kóshbasshysyna aınalyp úlgergen bizdiń Prezıdentimiz qoldaý bildiredi dep oılaımyz.Aqorda shatyryna kún panelin ornatý halqymyzǵa úlgi bolyp, ekologııaǵa úlken qoldaý bolar edi», deıdi ekologııalyq qozǵalys belsendisi.
