Jeksenbige arnalǵan aýa raıy boljamy
ASTANA. QazAqparat - «Qazgıdromet» jeksenbi-dúısenbi kúnderine arnalǵan aýa raıy boljamyn usynady.
«Shildeniń sońǵy demalys kúnderinde, elimizdiń soltústigi jáne ortalyq oblystarynda jaýyn toqtamaıdy, temperatýra +13...+25º gradýstan kóterilmeıdi.
Aldaǵy úsh kúnde Qazaqstannyń shyǵysynda, dúısenbide ońtústik jáne ońtústik-shyǵysynda, qysqa merzimdi nóserli-jańbyr men 15-25 m/s jel kútilýde. Shyǵysta temperatýra +25...+33 -ten +20...+28º-ge deıin, ońtústik pen ońtústik-shyǵysta +30...+38-den +25...+35º -ke deıin tómendeıdi. Batysta kóbine kún ashyq, jaýyn-shashynsyz, kúndizgi temperatýra +28...+35º bolady», - dep jazylǵan habarlamada.
