Jeksenbide jel kúsheıip, jańbyr jaýady
NUR-SULTAN. QazAqparat - Jeksenbi Qazaqstannyń kóp bóliginde jaýyn jaýady, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, 14 sáýirde atmosferalyq aǵyndardyń ótýine baılanysty elimizdiń keı jerlerine jaýyn-shashyn túsedi, soltústikte keı jerlerinde nóser jaýady, tek ońtústik-shyǵysta jáne shyǵysta kún raıy ashyq bolady. Keı jerlerde tuman, naızaǵaı, jeldiń kúsheıýi, burshaq, ońtústiktiń keı jerlerinde daýyl, soltústiktiń keı jerlerinde kóktaıǵaq kútiledi.
Soltústik Qazaqstan oblysynyń keı jerlerinde tuman, kóktaıǵaq, naızaǵaı kútiledi, túnde keı jerlerinde 15-20 m/s, kúndiz 15-20, keı jerlerinde ekpini 23-28 m/s jetetin jel soǵady, keı jerlerde burshaq jaýýy yqtımal.
Qyzylorda oblysynyń keı jerlerinde burshaq jaýýy yqtımal, kúndiz keı jerlerinde naızaǵaı, daýyl, jel 15-20 m/s kúsheıýi múmkin.
Qostanaı oblysynyń keı jerlerinde tuman, jeldiń kúsheıýi 15-20, kúndiz ekpini 23-28 m/s jetýi múmkin.
Kúndiz Atyraý oblysynyń keı jerlerinde naızaǵaı jarqyldaıdy, shańdy daýyl soǵady, jaýynmen birge 15-20 m/s kúshti jel soǵady.
Batys Qazaqstan oblysynyń keı jerlerinde - tuman túsedi, naızaǵaı jarqyldaıdy, jeldiń kúshi 15-20 m/s jetedi.
Aqtóbe, Pavlodar, kúndiz Qaraǵandy oblystarynyń keı jerlerinde naızaǵaı jarqyldaıdy, Pavlodar oblysynda naızaǵaıly jańbyrmen birge jeldiń ekpini 18 m/s jetedi.
Túnde Jambyl, Mańǵystaý oblystarynyń keı jerlerinde tuman túsedi, Mańǵystaý oblysynyń keı jerlerinde túnde naızaǵaı kútiledi.
