Jeksenbide jaýyn-shashynsyz aıazdy aýa raıy kútiledi
ASTANA. QazAqparat - Elimizdiń basym bóligi antıtsıklon áserinde bolady, soǵan baılanysty jaýyn-shashynsyz aıazdy aýa raıy kútiledi, dep habarlaıdy QazAqparat Qazgıdrometke silteme jasap.
Tek batys, ońtústik aýdandarda frontaldy bólikterdiń ótýine baılanysty jaýyn-shashyn, ońtústiktiń taýly aımaqtarynda qatty jaýyn-shashyn bolady. Kóktaıǵaq saqtalady. Respýblıkanyń keı jerlerinde tuman, jel kútiledi.
Almaty oblysynyń Jalańashkól aýdanynda jel ekpini 28 m/s deıin kúsheıedi. Túnde jáne tańerteń keı jerlerde tuman túsedi.
Túrkistan, Jambyl oblystarynyń keı jerlerinde tuman túsedi, jel jyldamdyǵy metrine 15-20 sekýndqa deıin jetedi. Jambyl oblysynyń keı jerlerinde kóktaıǵaq bolady.
Qyzylorda, Atyraý, Batys Qazaqstan oblystarynyń keı jerlerinde tuman túsip, kóktaıǵaq bolady.
Shyǵys Qazaqstan oblysynyń keı aımaqtarynda tuman túsip, jaıaý burqasyn bolady. Jel qarqyny 15-20 m/s deıin kúsheıedi.
Mańǵystaý, Qostanaı, Soltústik Qazaqstan, Pavlodar oblystarynyń keı jerlerinde tuman túsedi.
