Jeksenbide úsh óńirde 1-2 gradýs úsik júredi
NUR-SULTAN. QazAqparat - Qazgıdromet mamandary 11 qysrkúıek, jeksenbige arnalǵan aýa raıy boljamyn jarııalady.
Oǵan sáıkes, búgin Qazaqstan aýmaǵynyń basym bóligi tsıklon men atmosferalyq fronttardyń yqpalynda bolady.
Saldarynan jańbyr, soltústik óńirlerde qatty jańbyr jaýady, kúndiz burshaq, naızaǵaı jarqyldaıdy, jel ekpini 23-28 m/s jetedi.
Respýblıkanyń ońtústiginde shańdy daýyl soǵady.
Tek eldiń batysynda antıtsıklon áserinen jaýyn-shashyn jaýmaıdy.
Qyzylorda, Túrkistan, Jetisý oblystarynyń basym bóliginde, Abaı oblysynyń ońtústiginde, shyǵysynda, soltústiginde, Shyǵys Qazaqstan oblysynyń soltústik-shyǵysynda, Atyraý oblysynyń ońtústiginde, batysynda tótenshe órt qaýpi, Qostanaı oblysynyń ońtústiginde joǵarǵy órt qaýpi saqtalady.
Túnde Batys Qazaqstan, Atyraý, Aqtóbe oblystarynyń soltústiginde topyraq betinde 1-2 gradýs úsik júredi.
