Jeksenbide Portýgalııada prezıdent saılaýy ótedi
ASTANA. QazAqparat - Jeksenbide Portýgalııada prezıdent saılaýy ótedi. Memleket basshysy laýazymyna 10 úmitker tirkelgen, dep habarlaıdy reseılik «RIA Novostı».
Elde 9 mıllıon daýys berýshi tizimge alynǵan. Aldyn ala saýalnama boıynsha Marselý Rebelý dı Soza kósh bastap tur, oǵan el turǵyndarynyń jartysynan astamy daýys berýi múmkin.
Saılaýda jeńiske jetken adam 1974 jylǵy tóńkeristen keıingi memleket basyna kelgen jetinshi prezıdent bolady. Sol jyly Salazar dıktatýrasy joıylyp, portýgalııa kolonıaldyq ımperııasynyń tarady.
Portýgalııa prezıdenti bes jylda bir ret jalpyhalyqtyq saılaýda saılanady, ol Eýropa elderiniń basshylaryna qaraǵanda keń aýqymdy quzyretke ıe.
Saılaý ýchaskeleri tańerteń saǵat 8-de ashylady, keshke 1saǵat 9.00-de jabylady. Daýys berý bitken soń bir saǵattan keıin ortalyq saılaý komıssııasy alǵashqy resmı derekterdi taratady.
Eger jańa memleket basshysy birinshi týrda jeńiske jetse, naýryz aıynyń sońynda qyzmetine kirisedi. Eger birinshi týrda úmitkerdiń biri 50 paıyzdyq mejeni asa almasa, eń kóp daýys jınaǵan eki úmitker 14 aqpanda ekinshi týrǵa qatysady.
