Jeksenbide kún jańbyrly bolady
ASTANA. QazAqparat - Qazgıdromet mamandary 9 sáýir, jeksenbige arnalǵan aýa raıy boljamyn usyndy, dep habarlaıdy QazAqparat.
Respýblıka aýmaǵynyń basym bóligi atmosferalyq fronttardyń yqpalynda bolady.
Osyǵan baılanysty aýa raıynyń turaqsyz sıpaty saqtalady, jańbyr jaýady.
Elimizdiń ońtústik-batysynda qatty jańbyr, Qazaqstannyń shyǵysynda, ońtústik-shyǵysynda taýly aýdandarda jańbyr men qar túrinde jaýyn-shashyn bolady.
Ońtústik-shyǵystyń taýly aýdandarynda keıde nóser jańbyr jaýady.
Qazaqstannyń tek soltústiginde, soltústik-batysynda jáne ortalyǵynda jaýyn-shashyn bolmaıdy.
Respýblıka boıynsha jel kúsheıedi, soltústik pen shyǵysta – tuman, ońtústikte, ońtústik-batysta, ońtústik-shyǵysta – naızaǵaı jarqyldaıdy.
Almaty jáne Jetisý oblysynyń taýly aýdandarynda keı ýaqytta qatty jaýyn-shashyn (jańbyr, qar) jaýady. Mańǵystaý oblysynda da qatty jańbyr jaýady.
Jetisý oblysynda túnde 2 gradýs úsik saqtalady.
