Jeksenbide Qazaqstannyń basym bóliginde qar jaýady
ASTANA. QazAqparat - Qazaqstannyń basym bóliginde jeksenbi kúni atmosferalyq aǵyndardyń ótýimen aýa raıynyń turaqsyz sıpaty saqtalady, ońtústikte jáne ońtústik-shyǵysta keı jerlerde japalaqtap qar jaýady. Keı jerlerde tumandy, kóktaıǵaq bolady, burqasyn kóteriledi, jel kúsheıedi, dep habarlady «Qazgıdromet» RMK.
Jambyl, Ońtústik Qazaqstan oblystarynda keı jerlerde jel 15-23 m/s-qa deıin kúsheıedi, burqasyndatyp, tuman túsedi, kóktaıǵaq bolday.
Mańǵystaý oblysynda keı jerlerde tuman túsedi, kóktaıǵaq bolady, kúndiz jeldiń kúshi 15-20 m/s-qa deıin jetip, jaıaý borasyn júredi.
Almaty oblysynda keı jerlerde kóktaıǵaq bolady, tuman túsedi, jeldiń kúshi 15-20 m/s. Qyzylorda, Atyraý oblystarynda keı jerlerde jel 15-22 m/s-qa deıin kúsheıedi, burqasyn kóteriledi, kóktaıǵaq bolady.
Aqtóbe oblysynda keı jerlerde tuman túsedi, burqasyndatady, kúndiz jeldiń ekpini 15-20 m/s-qa deıin jetedi. Qostanaı oblysynda túnde jáne tańerteń keı jerlerde tuman túsedi, kúndiz jel 15-20 m/s-qa deıin kúsheıedi.
Soltústik Qazaqstan oblysynda keı jerlerde tuman túsedi.
Aqmola oblysynda túnde jaıaý borasyn júredi.
Shyǵys Qazaqstan, Qaraǵandy, Pavlodar oblystarynda keı jerlerde jeldiń ekpini 15-20 m/s-qa deıin jetip, burqasyndatady.
