Jeksenbide Qazaqstannyń barlyq qalalarynda aýa sapasy jaqsarady
ASTANA. QazAqparat - Jeksenbi, 25 naýryz kúni Qazaqstannyń barlyq qalalarynda aýa sapasy jaqsarady, dep habarlaıdy QazAqparat «Qazgıdromet» RMK-ǵa silteme jasap.
Atyraý, Aqtaý, Aqtóbe, Astana, Qaraǵandy, Qostanaı, Qyzylorda, Kókshetaý, Pavlodar, Petropavl, Taldyqorǵan, Oral, Óskemen, Shymkent qalalarynda meteojaǵdaılar kerisinshe jaqsaryp, zııandy zattardyń aýada ydyraýyna yqpal jasaıtyn bolady.
Aıta keteıik, 2018 jyldyń 1 qańtarynan Qazgıdromettiń www.kazhydromet.kz saıtynda qolaısyz meteorologııalyq jaǵdaılardyń (QMJ) boljamy jarııalanady.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýaldyń (jel, jaýyn-shashyn, ylǵaldylyq, aýa temperatýrasy) boljamy.
