Jeksenbide elimizdiń kóp bóliginde aýa raıy qolaısyz bolady
NUR-SULTAN. QazAqparat – Sınoptıkterdiń boljaýynsha, 22 jeltoqsanda elimizdiń barlyq óńirinde aýa raıy qolaısyz bolady, jel kúsheıip, qalyń qar túsedi, soltústikte boran soǵady, dep habarlaıdy QazAqparat Qazgıdrometke silteme jasap.
«Atlant muhıtynan kelgen tsıklon respýblıkanyń kóp bóliginde óz yqpalyn saqtap keledi. Osyǵan baılanysty aýa-raıy qubylmaly bolady, qar jaýady, keı jerlerde qalyń qar túsedi. Keı jerlerde tuman túsip, kóktaıǵaq bolady, burqasyn soǵady, jel kúsheıedi, ońtústik-shyǵysta qatty jel turyp, ekpini 30 m/s jetedi, tipti odan da asyp ketýi yqtımal», delingen habarlamada.
Jambyl oblysynyń keı jerlerinde tuman, kóktaıǵaq, burqasyn kútiledi, jel 15-20, ekpini 23-28 m/s, ońtústik-batysta 30 m/s jáne odan da kúsheıedi. Túrkistan, Qyzylorda oblystarynyń keı jerlerinde tuman, kóktaıǵaq, burqasyn kútiledi, jel 15-20, túnde ekpini 23-28 m/s jetedi.
Shyǵys Qazaqstan oblysynyń keı jerlerinde kóktaıǵaq, burqasyn kútiledi, jel 15-20, ekpini 25 m/s jetýi múmkin.
Pavlodar, Qaraǵandy oblysynyń keı jerinde tuman, kóktaıǵaq, burqasyn kútiledi, jel 15-20 m/s kúsheıedi.
Aqmola oblysynyń keı jerinde burqasyn, kóktaıǵaq kútiledi, jel 15-20 m/s kúsheıedi.
Qostanaı oblysynyń keı jerinde tuman, burqasyn kútiledi, jel 15-20 m/s kúsheıedi.
Almaty oblysynyń keı jerinde tuman, kóktaıǵaq, jaıaý burqasyn kútiledi, jel 18 m/s kúsheıedi.
Aqtóbe oblysynyń túnde keı jerlerinde jaıaý burqasyn kútiledi, jel 17 m/s kúsheıedi.
Soltústik Qazaqstan oblysynyń keı jerlerinde tuman, jaıaý burqasyn kútiledi.
Batys Qazaqstan, Mańǵystaý oblystarynyń keı jerlerinde tuman túsýi yqtımal.
