Jeksenbide elimizdiń basym bóligine jaýyn-shashyn túsedi

ASTANA. QazAqparat - Qazgıdromet elimizde 19 naýryzda bolatyn qaýipti meteorologııalyq qubylystarǵa boljam jasady, dep habarlaıdy QazAqparat.

«Atmosferalyq frontaldy bólimderdiń ótýimen respýblıkanyń basym bóliginde jaýyn-shashyn (jańbyr, qar), soltústik, shyǵys jartysynda qar, jaıaý burqasyn, kóktaıǵaq, ońtústik jartysynda jańbyr jaýady. Tek eldiń batysynda jaýyn-shashynsyz aýa raıy kútiledi. Respýblıka boıynsha tuman, jeldiń kúsheıýi, eldiń batysynda shańdy daýyl saqtalady», - dep jazdy sınoptıkter.