Jeksenbide elimizdiń 2 qalasynda aýa sapasy nasharlaıdy
NUR-SULTAN. QazAqparat – «Qazgıdromet» RMK 5 shilde kúngi Qazaqstan qalalaryndaǵy aýa sapasy týraly boljamyn jarııalady, dep habarlaıdy QazAqparat.
Kásiporynnyń málimetinshe, 5 shilde kúni Qostanaı jáne Oral qalalarynda aýa lastanýy yqtımal.
Al elimizdiń qalǵan qalalarynda meteojaǵdaı qolaıly bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
