Jeksenbide el aımaqtarynda qubylmaly kún raıy saqtalady
ASTANA. QazAqparat - Atmosferalyq fronttardyń ótýine baılanysty 30 sáýir kúni el aımaqtarynda turaqsyz aýa raıy saqtalady.
Keı jerlerinde jańbyr jaýady, ońtústikte, ońtústik-shyǵysta nóserli jańbyrlar kútiledi, soltústikte, ońtústik-shyǵysta jaýyn-shashyn boljanady. Ashyq kún raıy tek batysta, ońtústik batysta bolady. Respýblıkanyń keı jerlerinde tuman, naızaǵaı, jeldiń kúsheıýi kútiledi, sondaı-aq burshaq jaýýy yqtımal. Bul týraly «Qazgıdromet» RMK-dan habarlady.
Soltústik Qazaqstan, Aqmola, Qaraǵandy oblystarynyń keı jerlerinde tuman boljanady, jeldiń ekpini 15-20 m/s kúsheıedi.
Jambyl, Ońtústik Qazaqstan, Pavlodar, Shyǵys Qazaqstan, kúndiz Mańǵystaý oblystarynyń jekelegen aýmaqtarynda jel 15-22 m/s artady.
Qostanaı oblysynyń keı jerlerinde tuman bolady.
