Jeksenbide el aýmaǵynda jel kúsheıip, qatty boran soǵady

Soltústik-batys tsıklonnyń áserinen Qazaqstannyń basym bóliginde jańbyr men qar jaýady, eldiń ońtústiginiń taýly aýdandarynda qatty jaýyn-shashyn túsedi.

Respýblıkanyń tek ońtústik-shyǵysy men shyǵysy joǵary atmosferalyq qysymnyń áserinde bolady, sondyqtan jaýyn-shashynsyz aýa raıy saqtalady.

Elimizdiń keı jerlerinde jel kúsheıip, tuman, kóktaıǵaq, jaıaý burqasyn soǵady.

Túnde Túrkistan oblysynyń soltústiginde tuman túsedi, tańerteń jáne kúndiz ońtústiginde, batysynda, taýly aýdandarda jeldiń kúshi - 15-20, taýly aýdandarda - 23-28, taýly asýlarda 30 m/s jetedi.

Jambyl oblysynyń soltústiginde, taýly aýdandarynda tuman túsedi, kóktaıǵaq bolady. Oblystyń ońtústik-batysynda sekýndyna 23-28 metr, keıde 30 m/s jáne odan da qatty jyldamdyqpen jel soǵady.

Almaty oblysynyń Alakól kólderi aýdanynda jel qarqyny 25 m/s deıin kúsheıedi.

Aqmola oblysynyń soltústiginde, shyǵysynda - tuman, kóktaıǵaq, jaıaý burqasyn bolady. Kúndiz oblystyń shyǵysynda jel ekpini - 15-20 m/s.

Soltústik Qazaqstan oblysynyń batysynda, shyǵysynda jáne ońtústiginde jaıaý burqasyn soǵady, tuman, kóktaıǵaq kútiledi. Kúndiz oblystyń shyǵysynda jeldiń jyldamdyǵy 15-20 m/s jetedi.

Túnde Qaraǵandy oblysynyń batysynda, kúndiz soltústiginde, shyǵysynda, ortalyǵynda kóktaıǵaq, kúndiz shyǵysynda jáne ortalyǵynda jeldiń kúshi 15-20 m/s shamasynda bolady.

Qostanaı oblysynyń ońtústiginde - jaıaý burqasyn, kóktaıǵaq, tuman, jel qarqyny - 15-20 m/s.

Túnde Aqtóbe oblysynyń soltústiginde kóktaıǵaq bolady, kúndiz oblystyń soltústiginde jel ekpini 18 m/s deıin kúsheıedi.

Atyraý oblysynyń batysy men ortalyǵynda, Mańǵystaý oblysynyń soltústiginde, soltústik-batysynda tuman túsip, kóktaıǵaq bolady.

Batys Qazaqstan oblysynyń soltústiginde, soltústik-shyǵysynda kóktaıǵaq kútiledi.

Pavlodar oblysynyń soltústiginde, batysynda, Qyzylorda oblysynyń soltústiginde jáne ortalyǵynda tuman túsedi.