Jeksenbide búkil óńirlerde qubylmaly aýa raıy saqtalady
NUR-SULTAN. QazAqparat - 27 naýryz, jeksenbi kúni el aýmaǵynyń basym bóliginde aýa raıyna Ońtústik tsıklon jáne soǵan baılanysty atmosferalyq fronttar áser etedi, dep habarlaıdy QazAqparat.
Qazgıdromet málimetinshe, respýblıkanyń barlyq oblystarynda turaqsyz aýa raıy saqtalady.
Soltústik, shyǵys aýdandarda kóbine qar jaýady. Ońtústik-shyǵys óńirlerde qatty jaýyn-shashyn (jańbyr, qar) jaýady.
Qazaqstan boıynsha jel kúsheıip, tuman, kóktaıǵaq bolady, soltústikte, soltústik-batysta, shyǵysta jaıaý burqasyn soǵady.
Aqmola oblysynyń ońtústiginde tuman, kóktaıǵaq kútiledi, túnde jáne tańerteń oblystyń batysynda, ońtústiginde jáne shyǵysynda jaıaý burqasyn kóteriledi, jel ekpini 15-20 m/s deıin kúsheıedi.
Almaty oblysynyń taýly aýdandarynda tuman bolady, oblystyń ońtústigimen shyǵysynda jel - 15-20, ekpini - 25 m/s.
Túrkistan oblysynyń soltústiginde, batysynda jáne taýly aýdandarynda jel - 15-20, taýly asýlarda jel qarqyny 25 m/s jetedi.
Batys Kazaqstan oblysynyń soltústigi men shyǵysynda tuman, kúndiz kóktaıǵaq. Jeldiń kúshi - 15-20 m/s.
Atyraý oblysynyń basym bóliginde jel 15-20, ekpini 23-28 m/s soǵady, túnde oblystyń shyǵysynda tuman túsedi.
Mańǵystaý oblysynyń batysy men soltústiginde tuman túsedi.
Aqtóbe oblysynyń ortalyǵynda, soltústik-batysynda, ońtústik-shyǵysynda tuman bolady, oblystyń batysynda, soltústik-batysynda, ońtústik-shyǵysynda sekýndyna 15-20 metr ekpinmen jel soǵady.
Qostanaı oblysynyń ońtústiginde, batysynda jaıaý burqasyn,soltústiginde tuman, kóktaıǵaq, kúndiz ońtústigi men batysynda jel qarqyny - 15-20 m/s.
Túnde Pavlodar oblysynyń ońtústiginde tuman, kóktaıǵaq kútiledi.
Qaraǵandy oblysynyń soltústiginde, shyǵysynda tuman, soltústiginde, ońtústiginde ortalyǵynda jaıaý burqasyn, kóktaıǵaq, ońtústigi men ortalyǵynda jel - 15-20, ekpini - 23 m/s kútiledi.
Shyǵys Qazaqstan oblysynyń batysy men soltústik-shyǵysynda jaıaý burqasyn, joldarda kóktaıǵaq kútiledi. Oblystyń batysynda, ońtústik-batysynda jáne ortalyǵynda sekýndyna 23 metr jyldamdyqpen jel soǵady.
Qyzylorda oblysynyń ortalyǵy men ońtústiginde jeldiń kúshi - 15-20 m/s. Túnde jáne tańerteń soltústigi men ortalyǵynda tuman men kóktaıǵaq bolady.
Jambyl oblysynyń ońtústik-batysynda, soltústik-shyǵysynda jáne taýly aýdandarda jel ekpini 23-28 m/s jetedi.
Kúndiz oblystyń soltústik-shyǵysy men taýly aýdandarynda tuman, kóktaıǵaq bolady.
