Jeksenbide aýa raıy qubylmaly bolady
ASTANA. QazAqparat - 3 naýryzda Qazaqstannyń basym bóliginde atmosferalyq aǵyndardyń ótýine baılanysty qubylmaly aýa raıy saqtalady, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, jeksenbide ońtústik jáne soltústiktiń keı jerlerinde qatty jaýyn-shashyn túsedi. Keı jerlerde tuman túsip, kóktaıǵaq, burqasyn soǵady. Jel kúsheıýi yqtımal.
Aqmola, Soltústik Qazaqstan, Pavlodar, Qostanaı oblystarynda jeldiń jyldamdyǵy sekýndyna 15-20 metr, keı jerlerinde 23-28 m/s kúsheıedi, keı jerlerinde burqasyn soǵyp, tuman túsedi, kóktaıǵaq kútiledi.
Almaty oblysynyń Jalańashkól aýdanynda jeldiń kúshi 18-23 m/s bolady. Túrkistan, Qyzylorda, Jambyl oblystarynyń keı jerlerinde tuman, jeldiń 15-20 m/s kúsheıýi kútiledi, túnde Jambyl oblysynda jeldiń ekpini 23 m /s jetedi.
Atyraý oblysynyń keı jerlerinde tuman, kóktaıǵaq, kúndiz jel 15-20 m/s kúsheıedi.
Aqtóbe oblysynyń keı jerlerinde kóktaıǵaq, kúndiz keı jerlerinde jaıaý burqasyn soǵady, jeldiń ekpini 15-20 m/s jetýi múmkin.
Qaraǵandy oblysynyń keı jerlerinde jaıaý burqasyn, tuman, kóktaıǵaq, jeldiń 15-20 m/s kúsheıýi kútilýde.
Shyǵys Qazaqstan oblysynyń keı jerlerinde túnde jáne tańerteń tuman túsedi, kúndiz kóktaıǵaq kútiledi, jeldiń kúshi 15-20, ekpini 25 m/s bolady. Batys Qazaqstan oblysynyń keı jerlerinde tuman, kóktaıǵaq bolady. Mańǵystaý oblysynyń keı jerlerinde tuman túsýi yqtımal.
