Jeksenbide aýa raıy qandaı bolady

Ońtústik tsıklon Qazaqstannyń búkil aýmaǵyna óz yqpalyn tıgizedi, tek respýblıkanyń eń shetki soltústigi men soltústik-batysy sýyq antıtsıklon jotasynyń yqpalynda qalady. Osylaısha, joǵary temperatýralyq kontrasttar men kóldeneń qysym gradıentteriniń joǵarylaýy aıasynda Qazaqstan Respýblıkasynyń aýmaǵynda frontaldy aımaq qalyptasady. Osyǵan baılanysty, jaýyn-shashyn jaýady, soltústikte qar jaýyp jaıaý burqasyn kútiledi, respýblıkanyń ońtústik jartysynda kóbinese jańbyr túrinde, ońtústiktiń, ońtústik-shyǵys jáne shyǵystyń taýly aımaqtarynda qatty jaýyn-shashyn jaýyp, kóktaıǵaq bolady. Respýblıka boıynsha jel kúsheıip, tuman kútiledi.

Aqmola, Pavlodar oblystarynyń ońtústik jartysynda, Qostanaı oblysynyń ońtústiginde, soltústik-shyǵysynda, kúndiz Soltústik Qazaqstan oblysynyń ońtústik-shyǵysynda jaıaý burqasynmen, jeldiń 15-20 m/s deıin kúsheıýi, Qostanaı oblysynyń ońtústiginde tuman kútiledi.

Almaty oblysynyń soltústiginde jáne taýly aýdandarynda tuman, kóktaıǵaq, kúndiz oblystyń shyǵysynda jeldiń 15-20 m/s kúsheıýi kútiledi. Túrkistan oblysynyń taýly jáne taý bókterli aýdandarynda naızaǵaı, jel 15-25 m/s jyldamdyqpen soǵady.

Jambyl oblysynyń soltústiginde jáne taýly aýdandarynda tuman, kóktaıǵaq, oblystyń ońtústiginde, soltústiginde jáne taýly aýdandarynda naızaǵaı, jeldiń 15-23 m/s kúsheıýi kútiledi.

Túnde jáne tańerteń Shyǵys Qazaqstan oblysynyń soltústiginde, batysynda - tuman, kúndiz oblystyń ortalyǵynda, ońtústiginde, shyǵysynda – burqasyn, jeldiń kúshi 15-20, ekpini 23 m/s jetedi.

Qyzylorda oblysynyń soltústiginde – kóktaıǵaq, tuman, kúndiz oblys ortalyǵynda jeldiń 15-20 m/s kúsheıýi kútiledi. Qaraǵandy oblysynyń soltústiginde, ortalyǵynda - kóktaıǵaq, jaıaý burqasyn, jeldiń 15-20 m/s kúsheıýi, oblystyń shyǵysynda – tuman kútiledi.

Batys Qazaqstan oblysynyń batysynda tuman kútiledi. Atyraý, Mańǵystaý oblystarynyń soltústiginde, batysynda tuman, kóktaıǵaq kútiledi. Aqtóbe oblysynyń ortalyǵy men ońtústiginde jaıaý burqasyn bolady.