Jeksenbide Astanada birqatar avtobýs baǵdary shekteledi

ASTANA. QazAqparat - Astanada qaıyrymdylyq marafony ótkizilýine baılanysty jeksenbi tańerteńnen túske deıingi aralyqta birqatar avtobýs baǵdary ózgeredi, dep habarlaıdy QazAqparat Astana LRT kompanııasyna silteme jasap.

«16 qyrkúıekte «Astana Marafon» sport sharasy ótkizilýine baılanysty saǵat shamamen 07:00-den 13:00-ge deıin birqatar avtobýstyń qozǵalys baǵdary ózgeredi», -delingen elordalyq kompanııanyń Feısbýktegi paraqshasynda .

Shamamen saǵat 08:30-da 37, 53, 302, 303, 308, 309 baǵdarlardyń burynǵy júrý baǵdary qalpyna keltiriledi.

Shamamen saǵat 10:30-da 5, 8, 9, 11, 13, 22, 22A, 23, 25, 44, 48, 72, 73, 80, 105, 304, 313, 315, 316 baǵdarlardyń burynǵy júrý baǵdary qalpyna keltiriledi.

Shamamen saǵat 12:00-de 2, 3, 4, 14, 20, 24, 31, 33, 41, 71 baǵdarlardyń burynǵy júrý baǵdary qalpyna keltiriledi.

Shamamen saǵat 13:00-de 10, 12, 28, 40, 46, 50, 52, 61, 104, 15, 18, 70, 102 baǵdarlardyń burynǵy júrý baǵdary qalpyna keltiriledi.

«Baǵdarlardyń syzbalaryn Telegram messendjerindegi «Astana LRT» JShS-nyń @astrabus_bot botynan kórýge bolady, nemese https://telegram.me/astrabus_bot siltemesi arqyly ótip, mázirden «Marafon-16.09.2018 g.» núktesin basyp taba alasyzdar.

Sondaı-aq, marafon barysynda qozǵalysy burynǵy qalpyna keltirilgen baǵdarlar jaıly aqparatty Instagram jəne Feısbýktegi paraqshamyzdan bile alasyzdar», - delingen habarlamada.
Eske sala ketsek, dástúrli Astana Marathon-2018 sharasyna álemniń 20 memleketinen 4 myńǵa jýyq adam qatysýǵa nıet bildirgen.