Jeksenbide astana kóshelerinde 144 jol-kólik oqıǵasy tirkelgen
Bul jaıynda Astana qalasy polıtsııa departamentiniń baspasóz qyzmeti málim etti.
«Ótken táýlikte Astana joldarynda 144 jol-kólik oqıǵasy tirkeldi. Saldarynan eki adam zardap shekti. Jol-kólik oqıǵalary júrgizýshilerdiń kóktaıǵaq jaǵdaıyn eskermeı, qozǵalys jyldamdyǵyn, aralyq ınterval men qashyqtyqty saqtamaýdan týyndap jatyr. Onyń ústine jol-kólik oqıǵasyna túsken kólikterdiń bárinde jazǵy dóńgelek bolǵan», - delingen departament dereginde.
Osyǵan baılanysty polıtsııa ókilderi astanalyq júrgizýshilerge úndeý tastap otyr.
«Kún raıynyń nasharlaýyna baılanysty kommýnaldyq qyzmetter qar tazalaıtyn tehnıkalardy jumyldyryldy. Júrgizýshilerdi saq júrip, qoǵamdyq kólik pen qar tazalaıtyn tehnıkanyń qozǵalysyna kedergi keltirmeý úshin jol jıegine kólik qańtarmaýdy suraımyz. Qala turǵyndar men qonaqtaryn qabyldanyp jatqan sharalarǵa túsinistikpen qaraýdy suraımyz», - dep jazylǵan resmı málimette.
Sondaı-aq, departament ókilderi qar basyp qalǵan joldaǵy syzyqtardy kórmeı ereje buzǵan jaǵdaıda júrgizýshilerge aıyppul salynbaıtynyn aıtyp otyr.