Jeksenbide Aqtóbe men Petropavlda aýa sapasy nasharlaıdy
NUR-SULTAN. QazAqparat – «Qazgıdromet» mamandary 27 qyrkúıek kúni Qazaqstan qalalarynda aýa sapasy qandaı bolatynyn jarııalady, dep habarlaıdy QazAqparat.
Kásiporynnyń málimetinshe, jeksenbi kúni elimizdiń eki qalasynda - Petropavl men Aqtóbede qolaısyz meteorologııalyq jaǵdaı qalyptasyp, aýa lastanýy múmkin.
Ózge shaharlarda meteoahýal - birqalypty.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
