Jeksenbi kúni saýda oryndarynyń jumys jasaýyna tyıym salynady
ASTANA. QazAqparat - Vengrııada jeksenbi kúni saýda oryndarynyń jumys jasaýyna tyıym salynady, bul - adamdar ýaqytyn óz otbasymen ótkizý úshin jasalyp otyrǵan shara, dep jazady sheteldik BAQ.
Vengrııa parlamenti dúkender jelisiniń jeksenbi jumys jasaýyna tyıym salý týraly zań jobasyn bekitti.
Vengrııa premer-mınıstri Vıktor Orban adamdar demalys kúngi ýaqytyn dúken aralaýmen emes otbasynyń qasynda ótkizgen abzal dep esepteıdi.
Statıstıka boıynsha, bul elde ár besinshi turǵyn ýaqytynyń kóbin dúken aralaýmen jumsaıdy eken.
Bekitilgen zań jobasyna saýda núkteleriniń basshylary men qyzmetkerleri, tipti tutynýshylardyń ózi qarsy shyǵyp otyr. Al sarapshylar bul dúkenderdegi kiristiń azaıýyna, sondaı-aq jumyskerlerdi de qysqartýǵa alyp keletinin aıtýda. Shamamen 20 myń adam jumyssyz qalatyn kórinedi. Al Vengrııada jumyssyzdar deńgeıi onsyz da joǵary - 7,1 paıyz. Jumyssyz júrgenderdiń kóbisi 25 jasqa deıingi jastar.
