Jeksenbi kúni respýblıkanyń basym bóliginde kún ashyq bolyp, ystyq aýa raıy saqtalady
ASTANA. QazAqparat - Respýblıkanyń basym bóliginde burynǵysha kún ashyq bolyp, ystyq aýa raıy saqtalady, eldiń soltústik-batysynda, soltústiginde jáne ortalyǵynda ǵana atmosferalyq aǵyndardyń ótýimen kún kúrkirep, ótkinshi jańbyr jaýady, jel kúsheıedi, túnde jáne tańerteń tuman túsedi, dep habarlady QR ІІM Tótenshe jaǵdaılar komıteti Qazgıdrometke silteme jasap.
Aqmola, Qostanaı, Soltústik Qazaqstan oblystarynda keı jerlerde jel 15-20 m/s-qa deıin kúsheıip, kún kúrkireıdi, túnde jáne tańerteń tuman túsedi. Qyzylorda, kúndiz Jambyl oblystarynda keı jerlerde jeldiń kúshi 15-20 m/s-qa jetedi. Kúndiz Mańǵystaý, túnde jáne tańerteń Atyraý oblystarynda keı jerlerde kún kúrkireıdi. Kúndiz Aqmola, Shyǵys Qazaqstan, Almaty, Jambyl, Ońtústik Qazaqstan, Qyzylorda, Atyraý, Pavlodar oblystarynda, Aqtóbe, Qostanaı, Mańǵystaý, Soltústik Qazaqstan, Qaraǵandy oblystarynyń keı jerlerinde kúshti ystyq bolady. Respýblıkanyń ońtústiginde, batysynyń keı jerlerinde, soltústik-batysynda, shyǵysynda, ońtústik-shyǵysynda jáne ortalyǵynda óte joǵary órt qaýpi saqtalady
