Jeksenbi kúni respýblıkanyń barlyq aımaǵynda aýa raıy turaqsyz bolady
ASTANA. QazAqparat - 27 jeltoqsan kúni Qazaqstannyń barlyq aımaqtarynda atmosferalyq fronttardyń ótýine baılanysty turaqsyz aýa raıy saqtalady, jaýyn-shashynmen, keı jerlerinde burqasyn, tuman, kóktaıǵaq jáne jeldiń kúsheıýi kútiledi.
Bul týraly Qazgıdromet habarlady. Aqmola, Qostanaı, Soltústik Qazaqstan oblystarynyń keı jerlerinde burqasyn kútilip, jel 15-20 m/s kúsheıedi. Almaty oblysynda túnde jel 15-20 m/s kúsheıedi. Jambyl, Ońtústik Qazaqstan oblystarynyń keı jerlerinde burqasyn, tuman bolady, jel 15-22, túnde ekpini 23-28 m/s jetedi, Jambyl oblysynyń keı jerlerinde kóktaıǵaq bolady. Qyzylorda oblysynyń keı jerlerinde jeldiń 15-20 m/s kúsheıýi kútilip, kúndiz tuman, kóktaıǵaq bolady. Mańǵystaý oblysynyń keı jerlerinde tuman kútiledi, kúndiz kóktaıǵaq jáne jel 15-20 m/s bolady. Atyraý oblysynyń keı jerlerinde kóktaıǵaq, jel 15-20 m/s bolady. Batys Qazaqstan oblysynyń keı jerlerinde tuman, kóktaıǵaq, kúndiz jel burqasynmen birge 15-20 m/s kútiledi. Aqtóbe, Qaraǵandy oblystarynyń keı jerlerinde burqasyn, tuman, kóktaıǵaq, jel 15-20 m/s bolady. Pavlodar oblysynyń keı jerlerinde jel 15-20, keı jerlerde 25 m/s kútilip, keı jerlerinde burqasyn bolady. Shyǵys Qazaqstan oblysynyń keı jerlerinde burqasyn, kóktaıǵaq, jel 17-22 m/s bolady.
