Jeksenbi kúni Qazaqstannyń soltústik aımaqtarynda ótkinshi jańbyr jaýady
ASTANA. QazAqparat - Jeksenbi kúni Qazaqstanda atmosferalyq aǵyndardyń ótýimen keı jerlerde naızaǵaı oınap, ótkinshi jańbyr jaýady, jel kúsheıedi. Keı jerlerde tuman túsedi, dep habarlady «Qazgıdromet» RMK.
Qostanaı, Aqmola, Pavlodar, Batys Qazaqstan, Qaraǵandy oblystarynda keı jerlerde naızaǵaı oınap, jel 15-20 m/s-qa deıin kúsheıedi.
Shyǵys Qazaqstan oblysynda keı jerlerde kúndiz naızaǵaı oınap, jel 15-20 m/s-qa deıin kúsheıedi.
Soltústik Qazaqstan oblysynda keı jerlerde tuman túsedi, naızaǵaı oınaıdy, jel 15-20 m/s-qa deıin kúsheıedi.
Kúndiz Almaty oblysynda, Atyraý, Mańǵystaý, Pavlodar, Qaraǵandy oblystarynyń keı jerlerinde aptap ystyq bolady.
Aqtóbe, Qyzylorda, Ońtústik Qazaqstan oblystarynda, Jambyl, Almaty oblystarynyń basym bóliginde, Batys Qazaqstan, Atyraý, Qaraǵandy, Qostanaı, Shyǵys Qazaqstan oblystarynyń keı jerlerinde óte joǵary órt qaýpi saqtalady.
