Jeksenbi kúni Qazaqstannyń ońtústik-shyǵysynda jańbyr jaýady
ASTANA. QazAqparat - Jeksenbi kúni Qazaqstannyń batysynda, soltústik-batysynda, soltústiginde jáne ońtústik-shyǵysynda keı jerlerde ótkinshi jańbyr jaýady, kún kúrkirep, jel kúsheıedi. Respýblıkanyń qalǵan aýmaǵynda kún ashyq bolady, dep habarlady «Qazgıdromet» RMK.
Almaty, Batys Qazaqstan, Aqmola, Aqtóbe oblystarynda keı jerlerde jel 15-20 m/s-qa deıin kúsheıip, kún kúrkireıdi.
Qostanaı oblysynda túnde keı jerlerde tuman túsedi, kúndiz jel 15-20 m/s-qa deıin kúsheıedi.
Mańǵystaý, Soltústik Qazaqstan, Shyǵys Qazaqstan oblystarynda keı jerlerde tuman túsedi.
Qyzylorda, Qaraǵandy oblystarynyń keı jerlerinde óte joǵary órt qaýpi saqtalady.
