Jeksenbi kúni Qazaqstannyń keı jerlerinde jańbyr jaýyp, naızaǵaı oınaıdy - Qazgıdromet
ASTANA. QazAqparat - Qazaqstan terrıtorııasynyń basym bóliginde atmosferalyq fronttardyń ótýine baılanysty keı jerlerinde naızaǵaıly jańbyr jaýyp, ekpindi jel turady, kúndiz ońtústik-shyǵysta burshaq jaýýy yqtımal. Tek respýblıkanyń ońtústiginde, soltústik-batys jáne soltústik-shyǵysynda aýa raıy jaýyn-shashynsyz. Bul týraly «Qazgıdromet» RMK habarlady.
Túnde respýblıkanyń soltústik bóliginiń keı jerlerinde tuman kútiledi. Túnde Mańǵystaý, kúndiz Aqmola, Qostanaı, Qaraǵandy oblystarynyń keı jerlerinde naızaǵaı bolady. Atyraý oblysynyń keı jerlerinde naızaǵaı bolyp, kúndiz jel 15-20 m/s kúsheıedi. Kúndiz Batys Qazaqstan, Almaty oblystarynyń keı jerlerinde naızaǵaı bolyp, jeldiń 15-20 m/s kúsheıýi kútiledi, Almaty oblysynyń keı jerlerinde burshaq jaýýy yqtımal. Soltústik Qazaqstan oblysynyń keı jerlerinde naızaǵaı, túnde jáne tańerteń tuman kútiledi. Shyǵys Qazaqstan oblysynyń keı jerlerinde naızaǵaı kútilip, túnde topyraq betinde 2 gradýs úsik júredi. Kúndiz Atyraý, Batys Qazaqstan, Mańǵystaý oblystarynyń keı jerlerinde ótte qatty ystyq kútiledi, kúndiz Aqtóbe, Qostanaı oblystarynyń keı jerlerinde qatty ystyq saqtalady. Ońtústik Qazaqstan, Jambyl, Almaty oblystarynyń keı jerlerinde óte joǵary órt qaýipi saqtalady.
