Jeksenbi kúni Qazaqstannyń basym bóliginde qatty jel soǵady - Qazgıdromet
ASTANA. QazAqparat - 23 qarasha kúni Qazaqstannyń basym bóliginde qar, kóktaıǵaq, tuman bolady, jel kúsheıedi. Soltústik óńirde burqasyn bolady, dep habarlaıdy Qazgıdromet.
Aqmola oblysynda jeldiń kúshi 15-20 m/s-qa deıin barady, keı aımaqtarda boran bolyp, jeldiń ekpini 25 m/s-qa deıin kúsheıedi. Qostanaı, Pavlodar, Qaraǵandy, Soltústik Qazaqstan oblystarynda ekpini 15-20 m/s bolatyn jel soǵady, keı jerlerde 23-25 m/s-qa deıin barady, kóktaıǵaq bolady. Shyǵys Qazaqstanda jel 15-20 m/s ekpinmen soǵady, burqasyn bolady. Batys Qazaqstan men Mańǵystaý oblystarynda da jeldiń kúshi 15-20 m/s-qa barady, tuman túsip kóktaıǵaq bolady. Aqtóbe, Atyraý oblystarynda kóktaıǵaq bolyp, 15-20 m/s ekpinmen jel soǵady.
Almaty, Jambyl, Ońtústik Qazaqstan, Qyzylorda oblystarynda jeldiń ekpini 15-20 m/s-qa deıin barady, tuman, kóktaıǵaq bolady.
