Jeksenbi kúni Qazaqstanda jańbyr jaýyp, jel turady
ASTANA. QazAqparat - 19 tamyz, jeksenbi kúni atmosferalyq tutas bulttardyń kelýimen Qazaqstannyń basym bóliginde jaýyn jaýyp, kún kúrkireıdi, dep habarlaıdy QazAqparat Qazgıdrometke silteme jasap.
Ekpindi jel soǵady. Batysta shańdy daýyl turýy múmkin. Al soltústik-batysta jáne soltústikte burshaq jaýýy yqtımal. Túnde jáne tańerteń soltústik óńirlerde tuman túsedi dep kútilýde.
«Qazgıdromettiń» málimetinshe, 19 tamyzda Aqmola, Qostanaı oblystarynyń keı jerlerinde naızaǵaı oınap, daýyl turady. Jeldiń ekpini sekýndyna 15-20 metrge deıin kúsheıedi. Burshaq jaýyp, túnde jáne tańerteń tuman túsýi múmkin.
Aqtóbe, Mańǵystaý, Pavlodar, Shyǵys Qazaqstan oblystarynda keı jerlerde kún kúrkirep, qarqyny 15-20 m/s deıin qatty jel turady.
Soltústik Qazaqstan oblysynda da keı jerlerde kúshti jel soǵyp, túnde jáne tańerteń tuman túsýi yqtımal.
Qaraǵandy jáne Qyzylorda oblysynyń keı jerlerinde naızaǵaı bolady.
Jambyl oblysynda kúndiz ekpini sekýndyna 15-20 metrge jetetin kúshti jel turady.
Atyraý oblysynda da jel kúsheıip, daýyl turady. Shańdy daýylmen birge kún kúrkireýi múmkin.
Almaty oblysynda jáne Qaraǵandy óńiriniń keı jerlerinde aptap ystyq bolýy yqtımal. Qyzylorda, Túrkistan, Jambyl, Aqtóbe, Atyraý, Mańǵystaý, Qostanaı jáne Qaraǵandy oblystarynda tótenshe órt qaýpi saqtalady.
