Jeksenbi kúni elordada avtobýstar júrmeıdi
NUR-SULTAN. QazAqparat - 23 tamyzda elordada qoǵamdyq kólik jumysy ýaqytsha toqtatylady, dep habarlaıdy QazAqparat tilshisi.
Qala ákimdiginiń málimetine qaraǵanda, Nur-Sultan qalasynyń Bas memlekettik sanıtarlyq dárigeriniń qaýlysyna sáıkes, j eksenbi, 23 tamyzda qoǵamdyq kólik jumysy ýaqytsha toqtatylady. Qaýipsizdikti saqtaý maqsatynda avtobýstar men avtoparktarda aýqymdy dezınfektsııa jumysy júrgiziledi.
Senbi kúni (22 tamyzda) qoǵamdyq kólik qalypty jumys isteıdi.
Eske sala keteıik, júrgizýshiler de sońǵy aıaldamalarda ylǵaldy tazalaý jasaıdy. Avtobýstarǵa betperdesiz kirýge tyıym salynady. Qoǵamdyq kólikke aldyńǵy esik arqyly kirý kerek. Jol júrý aqysy karta, SMS, QRkod arqyly qolma-qol aqshasyz tólenedi.
24 tamyzdan bastap qoǵamdyq kólik qalypty jumys isteıdi.
