Jeksenbi kúni birqatar oblystarda tuman túsip, kóktaıǵaq bolady
ASTANA. QazAqparat - 25 qarasha kúni Qazaqstannyń birqatar aımaqtarynda jaýyn-shashyn bolyp, soltústikte qar jaýady. Keı jerlerde yzǵyryq jel, tuman, kóktaıǵaq, burqasyn kútiledi, dep habarlaıdy QazAqparat «Qazgıdromet» RMK-ǵa silteme jasap.
Túnde Shyǵys Qazaqstan oblysynyń basym bóliginde jeldiń ekpini 15-20 m/s, keı jerlerde 23-28 m/s, keıde sekýndyna 30 metrden asady. Kúndiz jeldiń kúshi 15-20 m/s, keı jerlerinde burqasyn, kóktaıǵaq bolady.
Pavlodar oblysynda jel qarqyny 23-28 m/s, túnde keı jerlerde 30 m/s joǵary bolady. Burqasyn, keı aýdandarda qatty boran kútiledi.
Túnde Soltústik Qazaqstan oblysynyń keı jerlerinde, al kúndiz oblystyń basym bóliginde jeldiń kúshi 15-20 m/s bolady. Keı jerlerde burqasyn, tuman, kóktaıǵaq kútiledi.
Jambyl oblysynyń keı jerlerinde jeldiń kúshi 15-20, ekpini 23 m/s bolady. Tuman, burqasyn, kóktaıǵaq bolady.
Qaraǵandy oblysynyń keı jerlerinde jel 15-20 m/s deıin kúsheıedi. Tuman, burqasyn, kóktaıǵaq kútiledi.
Aqmola oblysynyń keı jerlerinde tuman, kóktaıǵaq, burqasyn baıqalady. Jeldiń ekpini 25 m/s deıin kúsheıedi.
Qostanaı oblysynda jeldiń kúshi 15-20, ekpini 23 m/s bolady. Biraz aımaqtarynda tuman, kóktaıǵaq bolady.
Túnde Almaty oblysynyń keı jerlerinde jel ekpini 17-22 m/s deıin jetedi. Tuman, kóktaıǵaq bolýy múmkin.
Aqtóbe oblysynyń keı jerlerinde jel 15-20 m/s deıin kúsheıedi.
Atyraý, Túrkistan oblystarynyń keı aımaqtarynda tuman kútiledi.
Mańǵystaý, Qyzylorda oblysynyń keı jerlerinde jeldiń kúshi 15-20 m/s bolyp, tuman túsýi yqtımal.
