Jeksenbi kúni Baǵdadta bolǵan lańkestiktiń saldarynan 24 bala qurban bolǵan
ASTANA. Qazannyń 27-si. QazAqparat - Jeksenbi kúni Baǵdadta bolǵan eki lańkestik árekettiń saldarynan qaza tapqan 155 adamnyń ishinde mektep jasyna deıingi 24 bala bolǵan.
Bul týraly dúısenbi kúni Irak elordasynyń polıtsııasy men medıtsınalyq qyzmetiniń ókilderi habarlady.
Jankeshtiler mingen eki avtokóliktiń jeksenbi kúni tańerteń aralaryna bir mınýt salyp Ádilet mınıstrligi men Baǵdad mýnıtsıpalıtetiniń ǵımaratynyń janynda jarylǵanyn QazAqparat budan buryn habarlaǵan bolatyn.
Balalardyń jarylys oshaǵyna jaqyn mańdaǵy balabaqshadan ketip bara jatqan avtobýstyń ishinde bolǵany anyqtalyp otyr. Sondaı-aq, avtobýs júrgizýshisi qaza bolyp, taǵy alty bala jaraqat alǵan.
