Jeksenbi kúni aýa raıy qandaı bolady
NUR-SULTAN. QazAqparat - 2 tamyz, jeksenbi kúni elimizdiń kóp aımaqtarynda kún ashyq bolady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstan aýmaǵynyń basym bóligi antıtsıklon yqpalynda bolǵandyqtan kún jyly bolady, jaýyn-shashynsyz aýa raıy kútiledi. Tek elimizdiń ońtústik-shyǵysynda jáne batysta naızaǵaı jarqyldap, jańbyr jaýady, burshaq jaýýy yqtımal.
Respýblıkanyń keı jerlerinde jel kúsheıip, soltústik-shyǵysta túnde tuman túsedi.
Batys Qazaqstan, Atyraý oblystarynyń keı jerlerinde kún kúrkireıdi, jel ekpini - 15-20 m/s. Batys Qazaqstan oblysynda burshaq jaýýy yqtımal.
Kúndiz Qaraǵańdy, Aqtóbe, Qyzylorda, Qostanaı oblystarynyń keı jerlerinde jel jyldamdyǵy 15-23 m/s deıin kúsheıedi. Almaty oblysynda tańerteń jáne kúndiz naızaǵaı oınap, jel qarqyny 15-20 m/s jetedi.
Pavlodar, Soltústik Qazaqstan, Aqmola oblystarynyń keı jerlerinde tuman túsedi.
Kúndiz Atyraý, Aqtóbe, Qostanaı, Aqmola, Soltústik Qazaqstan oblystarynda aptap ystyq kútiledi.
Atyraý, Qyzylorda oblystarynda, Aqtóbe, Túrkistan, Almaty oblystarynyń basym bóliginde, Batys Qazaqstan, Jambyl, Qaraǵandy oblystarynyń keı jerlerinde tótenshe órt qaýpi saqtalady.
