Jeksenbi kúni Astanadaǵy «Keremet» monsha-saýyqtyrý kesheninde órt boldy - TJM
ASTANA. Sáýirdiń 19-y. QazAqparat - Jeksenbi kúni Astanadaǵy «Keremet» monsha-saýyqtyrý kesheninde órt boldy.
Jańadan boı kótergen monsha Esil aýdany, Turan kóshesi,19 meken-jaıynda ornalasqan. Tótenshe jaǵdaılar mınıstrliginen málim etkendeı, órt keshenniń ekinshi qabatynda ornalasqan býlaný bólmesinen shyqqan. Jalynnyń sharpyǵan aýmaǵy 25 sharshy metrdi qurady.
Qurban bolǵandar men zardap shekkender joq, 200 adam qaýipsiz jerge shyǵaryldy, dep anyqtaıdy vedomstvonyń baspasóz qyzmeti.
Tilsiz jaý TJM Astana qalasy boıynsha TJD órtke qarsy qyzmetiniń jeke quramdaǵy 98 adamy men 27 tehnıkasynyń kúshimen 2 jarym saǵattan keıin aýyzdyqtaldy.
