Jeksenbi kúni Almaty taýlarynda 9 týrıst qutqaryldy
ALMATY. QazAqparat – Almaty qutqarýshylary taýda qalǵan 9 týrıstke kómektesti, dep habarlaıdy QazAqparat tilshisi.
Qalalyq Qutqarý qyzmetiniń málimetinshe, ótken demalysta Talǵar asýynda buǵanasy shyǵyp ketken 31 jastaǵy áıel qutqaryldy. Jasaq mamandary ony taýdyń etegine túsirýge kómektesti.
Sol kúni keshke qaraı qutqarýshylar Býkreev shyńynda (teńiz deńgeıinen 3 myń metrden astam) adasqan 3 týrıstke jol kórsetip, qalaǵa deıin ilesip kelgen.
«Búgin túnde Panorama shyńyna jaqyn mańda aıaǵy jaralanǵan týrıst tómenge túsirildi. Bes adam shyńǵa shyǵyp bara jatyp, jolda adasqan. Olardyń biri taýly aımaqta aıaǵyn jaralap alǵan. Qutqarý operatsııasy tańǵa deıin jalǵasty. «109» qyzmetiniń habarlaýynsha, keshe taýda qalǵan 9 týrıstke kómek kórsetildi», - dedi baspasóz qyzmetinen.
