Jeksenbi kúni Almaty mańynda jer silkindi
ASTANA. Qarashanyń 30-y. QazAqparat - Qarashanyń 29-y kúni Qazaqstan Respýblıkasynyń aýmaǵynda jer silkinisi boldy,
dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.
QR Bilim jáne ǵylym mınıstrligi Seısmologııa ınstıtýtynyń málimetine sáıkes, jeksenbi kúni saǵat 14.01-de Alataýdyń Kúngeı jotasynyń soltústik baýraıynda K=9,0 energetıkalyq dárejesimen jer silkinisi boldy.
TJM-nyń habarlaýynsha, jer silkinisiniń kindigi Almatynyń ońtústik-shyǵysynda, shyǵysqa qaraı 110 shaqyrym jerde ornalasty. Jer asty dúmpýleri Kúrmeti (3 ball) jáne Saty (2-3 ball) aýyldarynda sezildi.
«Zardap shekkender men qırandylar týraly aqparattar túsken joq», - delingen baspasóz baıandamada.
