Jeksenbi kúni Almaty qalasynyń mańynda jer silkindi

QR Bilim jáne ǵylym mınıstrligi Ǵylym komıteti Seısmologııalyq tájirıbe-ádistemelik ekspedıtsııasynyń (QR BǴM ǴK STÁS) málimetinshe, K-8,7 energetıkalyq qýatymen jer silkinisi Qazaqstan Respýblıkasynyń aýmaǵynda 21 tamyz kúni 22 saǵat 36 mınýtta boldy. Zilzalanyń kindigi Almaty qalasynan soltústik-batysqa qaraı 66 shaqyrym jerde ornalasty. MSK-64 baǵany boıynsha 2-3 ball qýatymen jer asty dúmpýleri Almaty oblysy Іle aýdany Kúrti kentinde sezildi.

QR BǴM ǴM STÁE-nan habarlaǵandaı, jer silkinisi senbi, 20 tamyz kúni de boldy. Saǵat 11.31-de K=11,3 energetıkalyq qýatymen Qazaqstan men Qyrǵyzstan Respýblıkalarynyń shekarasynda bolǵan zilzalanyń kindigi Almaty qalasynan ońtútsik-batysqa qaraı 460 shaqyrym jerde ornalasty. Jer asty dúmpýlerin MSK-64 baǵany boıynsha 2-3 ball dárejesimen Taraz qalasynyń turǵyndary baıqady.

Qutqarýshylar anyqtaǵandaı, eki jer silkinisinen qurbandar men zardap shekkender bolǵan joq.