Jeksenbi kúni 5 qalada aýa sapasy nasharlaıdy
ASTANA. QazAqparat - Jeksenbi, 10 aqpan kúni meteorologııalyq jaǵdaılar elimizdiń 5 qalasynyń atmosferasynda lastaýshy zattardyń shoǵyrlanýyna yqpal etedi, dep habarlaıdy QazAqparat.
Sınoptıkterdiń aqparaty boıynsha, aýa sapasynyń nasharlaýy Aqtóbe, Oral, Shymkent qalalarynda kútiledi. Sondaı-aq jaǵymsyz meteojaǵdaı kúndiz Astana, túnde Taldyqorǵan qalalarynda boljanady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal. Aýanyń lastaný deńgeıin anyqtaıtyn mańyzdy fatorlardyń biri - sınoptıkalyq jaǵdaıdyń boljamy (jel, jaýyn-shashyn, ylǵaldylyq, aýa temperatýrasy).
