Jeksenbi kúngi aýa raıy boljamy
NUR-SULTAN. QazAqparat – 3 qarasha kúni Qazaqstannyń basym bóliginde atmosferalyq fronttardyń ótýine baılanysty qubylmaly aýa raıy saqtalady. Keı jerlerde jańbyr, qar túrinde jaýyn-shashyn jaýady. Jekelegen óńirlerde ekpindi jel, tuman, kóktaıǵaq, soltústik-batysta burqasyn, ońtústikte naızaǵaı kútiledi, dep habarlaıdy QazAqparat.
«Qazgıdromet» RMK málimetinshe, Qyzylorda, Mańǵystaý, Qostanaı oblystarynyń keı jerlerinde tuman, kóktaıǵaq boljanady. Jel 15-20 m/s kúsheıedi. Kúndiz Qyzylorda oblysynda jeldiń jyldamdyǵy 23 m/s artady. Aqtóbe oblysynyń keı jerlerinde burqasyn, kóktaıǵaq kútiledi, jel 15-20 m/s kúsheıedi.
Jambyl, Qaraǵandy oblystarynyń keı jerlerin tuman basyp, kúndiz jel 15-20 m/s jetedi.
Túrkistan oblysynyń keı jerlerinde jeldiń kúshi 15-20 m/s artady. Kúndiz naızaǵaı boljanady.
Batys Qazaqstan, túnde jáne tańerteń Soltústik Qazaqstan, Aqmola, Almaty oblystarynyń keı jerlerinde tuman kútiledi.
