Jeksenbi elimizde aýa raıy qubylmaly bolady
NUR-SULTAN. QazAqparat - Sınoptıkterdiń boljaýynsha, jeksenbi 26 mamyrda Qazaqstan aýmaǵynda aýa raıy qubylmaly bolady, dep habarlaıdy QazAqparat Qazgıdrometke silteme jasap.
Atmosferalyq aǵyndardyń ótýine baılanysty Qazaqstannyń basym bóliginde qubylmaly aýa-raıy saqtalady, keı jerlerde jańbyr jaýady, shyǵysta qatty nóser jaýady, tek ońtústikte, ońtústik-batysta kún raıy ashyq bolady. Elimizdiń keı jerlerinde kún kúrkireıdi, naızaǵaı, tuman túsedi, jel kúsheıip, daýyl saoǵýy yqtımal, burshaq jaýýy da múmkin.
Shyǵys Qazaqstan oblysynyń keı jerlerinde naızaǵaı, daýyl kútiledi, burshaq jaýýy múmkin, jel 15-20, ekpini 23-28 m/s kúsheıedi.
Pavlodar oblysynyń keı jerlerinde tuman kútiledi, túnde keı jerlerde naızaǵaı kútiledi, basym bóliginde jel 15-20, túnde keı jerlerinde 23-28 m/s kúsheıedi.
Jambyl, kúndiz Batys Qazaqstan, Mańǵstaý, Atyraý oblystarynyń keı jerlerinde naızaǵaı kútiledi, burshaq jaýýy múmkin, jel 15-20 m/s kúsheıedi. Qaraǵanda oblysynyń keı jerlerinde tuman kútiledi, jel 15-20 m/s kúsheıedi, túnde keı jerlerinde naızaǵaı kútiledi, burshaq jaýýy múmkin. Túrkistan, Qyzylorda, Qostanaı oblystarynyń keı jerlerinde jel 15-20 m/s kúsheıedi, Qostanaı oblysynyń keı jerlerinde tuman kútiledi.
Soltústik Qazaqstan keı jerlerinde tuman kútiledi, kúndiz keı jerlerinde jel 15-20 m/s kúsheıedi.
Almaty oblysynyń keı jerlerinde naızaǵaı kútiledi, túnde jekelegen aýdanynda jel 15-20 m/skúsheıedi.
Aqmola oblysynyń keı jerlerinde tuman kútiledi, túnde jel 15-20 m/s kúsheıedi.
Jambyl, Aqtóbe, Túrkistan oblystarynyń keı jerlerinde óte joǵary órt qaýpi saqtalady.
