Jeksenbide keı aımaqtarda jel kúsheıip, úsik júredi – Qazgıdromet
ASTANA. KAZINFORM – «Qazgıdromet» 2026 jylǵy 18 mamyrǵa arnalǵan Qazaqstan aýmaǵyndaǵy aýa raıy boljamyn jarııalady.
Sınoptıkterdiń málimeti boıynsha, dúısenbi kúni eldiń batysy, soltústik-batysy, shyǵysy, ońtústigi jáne ońtústik-shyǵyǵynda naızaǵaımen birge jańbyr jaýady. Mańǵystaý oblysynda qatty jańbyr men burshaq túsedi, al Shyǵys Qazaqstan oblysynda jańbyr men qar jaýýy yqtımal.
Qazaqstannyń qalǵan aımaqtarynda jaýyn-shashynsyz aýa raıy saqtalady.
Respýblıka boıynsha jel kúsheıedi. Ońtústik, batys, soltústik-batys jáne ortalyq óńirlerde shańdy daýyl soǵady. Ońtústik pen ońtústik-batysta ekpindi jel soǵýy múmkin. Soltústik, shyǵys jáne ońtústik-batys aımaqtarda tuman túsedi.
Túnde Shyǵys Qazaqstan oblysynyń shyǵysynda aýa temperatýrasy 2 gradýsqa deıin tómendep, úsik júredi. Abaı oblysynyń batysynda topyraq betinde 1 gradýs úsik kútiledi.
Atyraý oblysy, Batys Qazaqstan oblysynyń ońtústigi men ońtústik-batysy, Mańǵystaý oblysynyń soltústik-shyǵysy, Aqtóbe oblysynyń shyǵysy, Qostanaı oblysynyń ortalyǵy, Aqmola oblysynyń soltústik, ońtústik jáne ortalyq bólikteri, Soltústik Qazaqstan oblysynyń shyǵysy, Pavlodar oblysynyń batysy, shyǵysy jáne ońtústigi, Qaraǵandy oblysynyń batysy men soltústigi, Túrkistan oblysy, Qyzylorda oblysynyń ortalyǵy, Jambyl oblysynyń batysy, Almaty jáne Shyǵys Qazaqstan oblystarynyń ortalyǵy, Ulytaý oblysy jáne Abaı oblysynyń shyǵysynda joǵary órt qaýpi saqtalady.
Sonymen qatar, Qyzylorda oblysynda, Aqtóbe men Qaraǵandy oblystarynyń ońtústiginde, Pavlodar oblysynyń shyǵysynda, Jetisý oblysynyń ońtústik-shyǵysynda jáne Ulytaý oblysynyń ortalyǵynda tótenshe órt qaýpi kútiledi.
Eske salsaq, osyǵan deıin 18 mamyrda birneshe óńirde aýa raıyna baılanysty eskertý jarııalanǵanyn jazǵan edik.
