Jeksenbide birqatar óńirde tuman túsip, 3 gradýs úsik júredi
Qazgıdromet sınoptıkteri 24 qyrkúıek, jeksenbige arnalǵan aýa raıy boljamyn jarııalady, dep habarlaıdy QazAqparat.
Antıtsıklonnyń áserinen Qazaqstannyń basym bóliginde jaýyn-shashyn jaýmaıdy.
Tek elimizdiń shyǵysynda jáne ońtústik-shyǵysynda turaqsyz aýa raıy saqtalady, jańbyr, taýly aımaqtarda jaýyn-shashyn, keı ýaqytta qatty jaýyn-shashyn (jańbyr, jylbysqy qar) jaýady.
Respýblıka boıynsha ekpindi jel turyp, túnde jáne tańerteń tuman túsedi.
Shyǵys Qazaqstan oblysynyń soltústiginde, shyǵysynda, Abaı oblysynyń batysynda, Qaraǵandy oblysynyń shyǵysynda túnde 1-3 gradýs úsik júredi.
Sondaı-aq Aqmola oblysynyń batysynda, soltústiginde, shyǵysynda, Qostanaı oblysynyń soltústiginde, batysynda, Soltústik Qazaqstan oblysynyń batysynda, Pavlodar oblysynyń soltústiginde, ońtústiginde túnde topyraq betinde 1-2 gradýs úsik bar.
Qyzylorda oblysynyń ortalyǵynda, shyǵysynda, ońtústiginde tótenshe órt qaýpi saqtalady.
Jambyl, Ulytaý oblystarynda, Qaraǵandy oblysynyń ońtústiginde, Túrkistan oblysynyń shóldi aýdandarynda órt qaýpi joǵary.
