Jeksenbi kúni kún raıy qandaı bolady

ASTANA. KAZINFORM — Sınoptıkterdiń eskertýi boıynsha, Qazaqstan aýmaǵynyń basym bóligine Ońtústik tsıklon jáne onymen baılanysty atmosferalyq fronttar áser etedi. 

Kún kúrkirep, burshaq jaýyp, jel kúsheıip, soltústikte, shyǵysta jáne ońtústik-shyǵystaǵy taýly aýdandarda jańbyr jaýady.

Órt qaýpi joǵary:

Jambyl oblysynyń soltústigi men ońtústik-shyǵysynda, Túrkistan, Mańǵystaý, Qaraǵandy, Jetisý, Ulytaý oblystarynyń taýly aımaqtarynda, Abaı oblysynyń batysy, soltústigi men ońtústiginde, Almaty oblysynyń soltústigi men batysynda, Atyraý oblysynyń ońtústigi men batysynda, Aqtóbe oblysynyń ońtústigi, ońtústik-shyǵysy jáne batysynda, Pavlodar oblysynyń batysy, ońtústigi men ortalyǵynda, Qostanaı oblysynyń ońtústiginde, Shyǵys Qazaqstan oblysynyń soltústik-batysy men ońtústiginde, Aqmola oblysynyń batysy, ońtústigi men shyǵysynda órt qaýpi joǵary bolady.

Qyzylorda, Túrkistan, Jambyl oblystarynyń batysy men ortalyǵy, Almaty oblysynyń ortalyǵy jáne Jetisý oblysynyń batysynda tótenshe órt qaýpi saqtalady.

Megapolısterdegi aýa raıy:

Astana: Aýyspaly bultty, keıde jańbyr, naızaǵaı, kúndiz burshaq jaýýy múmkin. Jel – soltústik-shyǵystan, soltústikten, 9–14 m/s. Aýa temperatýrasy túnde 10–12°C, kúndiz 18–20°C jyly.

Almaty: Aýyspaly bultty, tańerteń jáne kúndiz jańbyr jaýady, naızaǵaı oınaıdy. Jel – batystan, 3–8 m/s, naızaǵaı kezinde ekpini 13 m/s. Aýa temperatýrasy túnde 14–16°C, kúndiz 22–24°C jyly.

Shymkent: Aýyspaly bultty, jaýyn-shashynsyz. Jel – soltústik-batystan, 5–10 m/s. Aýa temperatýrasy túnde 15–17°C, kúndiz 30–32°C jyly.