Jekpe-jektiń jańa túrinen qaraǵandylyq Arhat Faızollauly chempıon atandy
QARAǴANDY. QazAqparat – «Naǵyz Shynaıy Aıqas» atty jekpe-jektiń jańa túrinen qaraǵandylyq Arhat Faızollauly álem chempıony atandy, dep habarlaıdy QazAqparat.
Reseıdiń Sankt-Peterbýrg qalasynda 6-8 mamyr aralyǵynda «Naǵyz Shynaıy Aıqas» boıynsha álem birinshiligi ótken bolatyn. Osy dodada qaraǵandylyq Arhat Faızollauly 65 keli salmaq dárejesinde qarsylastarynan basym túsip, chempıon atandy. 24 jastaǵy qaraǵandylyq sportshy - jekpe-jektiń osy túrinen Qazaqstannyń sport sheberi.
Aıta keteıik, chempıonatqa álemniń 12 elinen kelgen sportshylar baq synasty. Qazaqstan ulttyq quramasynyń atynan arnaıy irikteýden ótken 33 sportshy qatysqan bolatyn. Nátıjesinde Qazaqstan quramasynyń qorjynynda 2 altyn, 7 kúmis, 15 qola medal bar.
