Jekpe-jekten ÁCh: 10 «altynnyń» 8-in qazaqstandyqtar aldy

ATYRAÝ. QazAqparat - Atyraýda jekpe-jekten ótken Álem chempıonatynda 10 altyn medaldiń 8-in Qazaqstan quramasy jeńip aldy, dep habarlaıdy «QazAqparat» HAA tilshisi óńirlik kommýnıkatsııalar qyzmetine silteme jasap.

«Óńirde osyndaı bedeldi sport sharasyn ótkizý biz úshin úlken abyroı. Qazaqstandyqtar 8 altyn medal alyp, aralas jekpe-jek sport túrleri boıynsha álemniń úzdik sportshylary ekenin taǵy bir ret dáleldedi», - deıdi Dene shynyqtyrý jáne sport basqarmasynyń basshysy Azamat Beket.

Álem chempıony atanǵan qazaqstandyqtar: Jubanysh Baǵdat (53 kelige deıin), Arman Áshimov (57 kelige deıin), Bekzat Álmahan (61 kelige deıin), Mıras Ulyqpanov (65 kelige deıin), Ilıar Ashanov (70 kelige deıin), Dıas Erlanuly (75 kelige deıin), Asylbek Smaılov (80 kelige deıin) jáne Dáýren Ermekov (85 kelige deıin). 90 kelige deıingi salmaq dárejesinde reseılik Magomedrasýl Gasanov, al 90+ sanatynda ózbekstandyq Rýstamqoja Saıdýmarov chempıon boldy.

Jekpe-jekten Álem chempıonatyna Grýzııa, Qazaqstan, Qyrǵyzstan, Mońǵolııa, Reseı, Tájikstan jáne Ózbekstannan 200-ge jýyq sportshy qatysty. Qazaqstannyń namysyn 20 sportshy qorǵady. Shara Qazaqstan Respýblıkasy Tuńǵysh Prezıdenti kúnine oraı jáne Memleket basshysynyń «Bolashaqqa baǵdar: rýhanı jańǵyrý» baǵdarlamasy aıasynda uıymdastyryldy.