Jekeshelendirý josparyndaǵy 177 nysan áli ıesin tappaǵan — keńeıtilgen otyrys

ASTANA. KAZINFORM — Joǵary aýdıtorlyq palata tóraǵasy Álıhan Smaıylov Parlament palatalarynyń birlesken otyrysynda jekeshelendirý sharalarynan bıýdjetke túsken kiristerdi atady.

— Jyl basyndaǵy jaǵdaı boıynsha, jekeshelendirýdiń keshendi jospary 72%-ǵa oryndaldy. Josparlanǵan 637 nysannyń 460-y satyldy nemese joıyldy. Bul — respýblıkalyq, kommýnaldyq menshik obektileri jáne kvazımemlekettik sektordyń aktıvteri. Memlekettik múlik komıtetiniń aqparaty boıynsha, byltyr 589 mıllıard teńgege 14 nysan satylǵan. Onyń ishinde Tele-2 kompanııasyn qatarlyq ınvestorǵa satýdan 517 mlrd teńge túsken. Bul somadan túsken 158 mlrd teńge dıvıdend respýblıkalyq bıýdjetke aýdaryldy. Budan bólek korporatıvtik tabys salyǵy túrinde taǵy 76 mlrd teńge tólendi. Osy mámileden túsetin qalǵan somalar, satyp alý-satý shartyna sáıkes, 2028 jylǵa deıin birtindep túsedi, — dedi Álıhan Smaıylov.

Sondaı-aq, ol jekeshelendirýdiń keshendi josparynda áli 177 nysan bar ekenin aıtyp, jaýapty organdarǵa jumysty jedeldetýge shaqyrdy.

Aıta keteıik, Úkimet úıinde Parlament palatalarynyń birlesken otyrysy ótip jatyr. 

Budan buryn Úkimet ınflıatsııany tejeý boıynsha keshendi is-sharalar ázirlegeni habarlandy.