Jekeshelendirý, biriktirý nemese taratý: 475 kásipkerlik sýbekt tizimi bekitildi
ASTANA. KAZINFORM – Oljas Bektenov Ekonomıkany demonopolızatsııalaý jónindegi komıssııa otyrysyn ótkizdi. Onda Prezıdenttiń «Ekonomıkany yryqtandyrý jónindegi sharalar týraly» Jarlyǵynyń oryndalý barysy qaraldy. Bul týraly Úkimettiń baspasóz qyzmeti habarlady.
Premer-mınıstrdiń orynbasary – Ulttyq ekonomıka mınıstri Serik Jumanǵarın memlekettiń ekonomıkadaǵy úlesin tómendetý, orta bıznestiń JІÓ-ge salymyn ulǵaıtý boıynsha júrgizilip jatqan jumystar týraly baıandady.
Memlekettiń ekonomıkaǵa qatysýyn tek áleýmettik mańyzy bar jáne strategııalyq sektorlarmen shekteý josparlanyp otyr. Básekelestikti qorǵaý jáne damytý agenttiginiń tóraǵasy Marat Omarov básekelestiktiń damýyn tejeıtin kedergilerdi joıý boıynsha qabyldanyp jatqan sharalar týraly baıandady.
Otyrys qorytyndysy boıynsha memlekettiń qatysýymen jekeshelendirýge, biriktirýge nemese taratylýǵa jatatyn 475 kásipkerlik sýbekt tizimi bekitildi. Jumys 2030 jylǵa deıin kezeń-kezeńimen iske asyrylady. Bul rette kásiporyndardyń jartysynan kóbi 2025-2026 jyldarǵa arnalǵan is-sharalar josparyna engizilgen.
Premer-mınıstr Jarlyqtyń belgilengen merzimde júzege asyrylýy kerektigin basa aıtty. Jumys baqylaýda.
Aıta keteıik, elimizde áleýmettik kásipkerlik sýbektiler reestri keńeıtildi.