Jekeshelendirýdiń ekinshi tolqyny úderisinde Ulttyq kásipkerler palatasy belsendilik tanytýy tıis - Elbasy
ASTANA. QazAqparat - Jekeshelendirýdiń ekinshi tolqyny boıynsha Ulttyq kásipkerler palatasy men Úkimet birlese jumys isteýi tıis. Bul týraly búgin Aqordada Ulttyq ınvestorlar keńesiniń otyrysynda Memleket basshysy Nursultan Nazarbaev málim etti.
«2009 jyly memleket daǵdarys kezinde ekonomıkadaǵy qatysýyn ulǵaıtýǵa májbúr boldy. Qazirgi kezde jeke sektordan shyǵýdyń ýaqyty jetti. Sondyqtan biz jekeshelendirýdiń ekinshi tolqyny jaıynda jarııaladyq. Ulttyq kásipkerler palatasy osy úderiske belsendi túrde qatysýy tıis, sonymen qatar onyń ashyqtyǵyn qamtamasyz etý kerek», - dedi Memleket basshysy.
Osy oraıda Prezıdent atalǵan palata Úkimetpen birge jumys istese úlken nátıjege qol jetkiziletinin atap ótti.
Aıta keteıik, keńes barysynda QR Premer-Mınıstriniń birinshi orynbasary Baqytjan Saǵyntaev Qazaqstanda jekeshelendirýdiń ekinshi tolqyny aǵymdaǵy jyldyń maýsymynda bastalatynyn málim etken bolatyn.
